O náutico do Freixo foi o lugar escollido para presentar a Feira Náutica que encherá a esta localidade de Outes dunha gran actividade. A segunda edición que ten ao Freixo como punto neurálxico desenvolverase do 28 ao 30 de xuño. Actividade coa que o Concello de Outes quere poñer en valor e dar visibilidade aos profesionais e ao sector vencellado ao mar, á construción naval e aos servizos náuticos.
