A liga regular da Primeira División de fútbol sala chegou ao seu final esta fin de semana. O Noia Portus Apostoli pechou a campaña cunha clara derrota ante o Movistar Inter no Jorge Garbajosa, onde Pola foi protagonista. O vigués, que colga as botas, recibiu un gran recoñecemento pola súa traxectoria neste penúltimo partido da súa carreira deportiva. Sobre o parqué o Inter foi o dominador logo dun inicio igualado no que os locais selaron a súa vitoria por 5-0. Partido no que debutaron no primeiro equipo Hugo e Lucho.
