“Por unha atención primaria digna no Barbanza”. Con este lema amosaron o seu sentir os profesionais sanitarios do Centro de Saúde de Ribeira. A falta de profesionais de atención primaria no municipio está a afectar ao servizo que se presta e aos propios médicos dende hai meses. Por iso esta mañá, ás 12.00 horas, os facultativos concentráronse ás portas do centro de saúde ribeirense.
