A cultura volveu a encher o calendario esta fin de semana. O Ateneo Valle-Inclán de Ribeira abriu as súas portas para a presentación da novela “Coímbra”, do escritor Xosé de Cea. Este acto, impulsado pola Asociación Barbantia, converteuse nun coloquio no que se afondou nos temas que se tratan na novela, principalmente a emigración e o desarraigo. Algo que o autor viviu en primeira persoa xa que os seus pais, naturais de Palas de Rei, trasladáronse a Barcelona, onde naceu de Cea para volver a Galicia aos 14 anos.
