Esta mañá a voceira e candidata nacionalista á Xunta de Galicia, Ana Pontón, visitou a praia do Vilar, un dos puntos 0 da chegada dos pellets de plástico acompañada do alcalde de Ribeira, Luís Pérez Barral. Pontón reclamou a pé de praia a comparecencia do presidente da Xunta, Alfonso Rueda, no Parlamento galego para dar toda a información dispoñible sobre esta situación e o traballo a realizar para atallala o antes posible.
