ECOLOXISTAS EN ACCIÓN DEMANDOU NO XULGADO DE NOIA Á NEVEIRA QUE PROVOCOU A VERTEDURA DE PELLETS QUE ESTÁN A CHEGAR ÁS PRAIAS GALEGAS

A marea de pellets de plástico está a encher toda a costa galega. A invasión branca comezou hai máis dunha semana e neste tempo non deixan de medrar as praias afectadas por este plástico. Un buque de mercadorías perdeu parte da súa carga, entre ela numerosos sacos de pellets que están a conquistar os areais da comarca e de Galicia. Ecoloxistas en Acción presentou esta mañá en colaboración coa plataforma Plademar Muros-Noia unha demanda penal no xulgado de Noia contra a empresa propietaria do portacontedores e contra o seu capitán.