A Casa da Cultura de Porto do Son acolleu a presentación solidaria do libro “Collendo alento, pechando feridas”, de María Jesús Reboredo. Nesta cita cultural a autora estivo arroupada polo secretario xeral de Política Lingüística, Valentín García, polo editor e director de Teófilo Comunicación, José Luis Teófilo, e pola concelleira de Cultura sonense, Alicia Martínez. A edil afondou no libro de Reboredo diante dun amplo público.
