JOSÉ CARLOS VIDAL ASUME A ALCALDÍA DO MUNICIPIO E AGRADECEU A XENEROSIDADE DE XOSÉ LOIS PIÑEIRO E A IMPLICACIÓN DE BNG, PSOE E VIxP
A incerteza palpábase esta mañá no salón de plenos da Pobra entre os asistentes xa que o goberno municipal estaba no aire. Todo dependía das negociacións da noite anterior entre Nós Pobra, BNG, PSOE e VIxP na procura dun acordo para formar un cuatripartito e evitar que asumira o executivo local a lista máis votada, a do PP encabezada por Manuel Durán. Finalmente as dúas candidaturas que saíron adiante foron as do popular Durán e a de Nós Pobra encabezada por José Carlos Vidal. Na votación 7 concelleiros respaldaron a Vidal mentres que os seis edís do PP deron o si ao seu candidato, polo que o cuatripartito formará o Goberno da Pobra encabezado por José Carlos Vidal.

