Esta fin de semana a parroquia ribeirense de Palmeira celebrou as festas do Santísimo, unhas celebracións protagonizadas polo Corpus e a súa procesión polas rúas da localidade. Estaban engalanadas para a ocasión xa que ao longo do día de onte decenas de voluntarios realizaron seis alfombras florais que decoraban o camiño en diferentes puntos, como o Adro, Carballiño, Espiño, Santísimo Cruces ou Eitón.
