Conta atrás para a investidura dos novos Gobernos locais, aínda que nos concellos de Boiro, Lousame, Muros, Noia, Outes, Pobra, Porto do Son e Ribeira producirase o vindeiro 7 de xullo por un recurso presentado polo PSdeG-PSOE para revisar os votos nulos das mesas da contorna. Os partidos amplían as súas marxes de manobra nunhas negociacións encalladas, como na Pobra. Veciños Independentes da Pobra, que conta cun representante na nova corporación, mantivo a liña de diálogo aberta ata o de agora, aínda que respectando dúas liñas vermellas.

