Ferido un condutor ao volcar o camión no que transportaba atúns conxelados

Pasadas as 17:00 da tarde de onte, un camión que transportaba atúns conxelados á conserveira Calvo volcou. O condutor tivo que ser evacuado ao hospital por un golpe na cabeza. O tráiler ocupaba parte da calzada, polo que a Garda Civil cortou o tráfico na AC-550 ao seu paso por Cruceiro de Roo. A estrada tardou varias horas en ser despexada. Ata o lugar desprazáronse o GES de Muros, Protección Civil e a Policía Local de Outes.