As accións contra os vertidos das augas residuais das minas de San Finx á ría de Muros-Noia non deixan de sucederse. O Tribunal Superior de Xustiza de Galicia vén de emitir un auto no que rexeita a petición da Fundación Montescola para adoptar unha medida cautelarísima para suspender a autorización destes vertidos feita por Augas de Galicia. Unha vía que se pecha para os defensores da paralización do vertido de augas das minas á ría.

