O conflito da mexilla parece que rebaixa a súa tensión. Aínda así, máis de 25 asociacións do sector do mexillón acudirán mañá a San Caetano para defender a xestión da cría deste bivalvo para garantir o futuro da actividade. A falta de mexilla mobilizou ao sector en numerosas ocasións pero agora todo parece indicar que os bateeiros contan coa cantidade precisa para este ano.
