19 noviembre, 2026
Image default

ARRANCA A CAMPAÑA EXTRACTIVA DA CENTOLA E DO BOI EN CORUÑA. A ACTIVIDADE SERÁ ATA O INICIO DA VEDA DO 2023

Xa se pode extraer centola e boi na costa da Coruña. A campaña extractiva destes crustáceos empezou hoxe e a súa actividade será polas áreas que van dende cabo Corrubedo ata Estaca de Bares.

A actividade réxese polo establecido no decreto que regula en Galicia as artes, aparellos, útiles, equipamentos e técnicas permitidas para a extracción profesional dos recursos mariños vivos.

No caso do boi, a frota dedicada á pesca desta especie pode calar os aparellos de acordo co establecido no decreto de artes e aparellos e comercializar en lonxa as capturas que realice.

A cota máxima de captura de cada unha destas especies será de 35 quilos por barco e día, á que se lle engadirán 35 quilos ao día por cada tripulante enrolado e a bordo. Poderán participar todas as embarcacións de artes menores e con porto base en Galicia así como aquelas que, tendo porto base noutras comunidades autónomas, teñan permisos especiais de pesca para faenar nestas augas.

A campaña prolongarase ata o inicio da veda do ano 2023, que se fixará a través do correspondente plan de xestión. Con este arranque, supón tamén o inicio da comercialización das capturas destas especies, que volverán aos mercados.

Related posts

ALLEGUE RECLAMOU AO GOBERNO CENTRAL A PARÁLISE DA SUBA DOS PREZOS DA AP-9 PARA O 2027

CloudyX

O PSDEG REIVINDICOU EN AMICOS O DEREITO DAS PERSOAS CON DISCAPACIDADE A PARTICIPAR NA VIDA POLÍTICA

CloudyX

A GARDA CIVIL DESMANTELOU UN GRUPO ESPECIALIZADO EN ROUBOS CON FORZA E VIOLENCIA

CloudyX