Estaba todo preparado para que a ría de Arousa vivira mañá a derradeira proba da Regata Alca, pero o aviso de nivel laranxa por vento na costa obrigou ao Náutico Arousa Norte a aprazar esta última etapa da IV edición da Regata Alca.
Por iso as embarcacións que participan na proba daranse cita o vindeiro 3 de decembro para coñecer por fin quen se fai co triunfo nas distintas categorías. Está todo por decidir e pode pasar calquera cousa na derradeira proba. O Chispetrén afrontará a etapa liderando a clase Regata, seguido do Ziralla e do Corsario. Na categoría Cuceiro-regata partirá en cabeza o Fixius, que na clasificación está por diante do Camping ria de Arosa e do Piko Norte. E en cruceiro o Orlando afrontará a última proba no máis alto da clasificación, segundo está o Galopín e terceiro o Thor II.