A conselleira de Medio Ambiente, Territorio e Vivenda, Ángeles Vázquez, entregou as chaves aos novos inquilinos de catro vivendas protexidas no centro histórico de Betanzos. Son as primeiras en ser rehabilitadas ao abeiro do chamado programa Rexurbe, unha iniciativa do Instituto Galego da Vivenda e Solo (IGVS) para comprar inmobles deteriorados ou en estado de abandono co obxectivo de recuperalos e destinalos despois a alugueiro social.
