A conselleira do Mar, Rosa Quintana, acompañou hoxe á directora xeral de Asuntos Marítimos e Pesca (DG Mare) da Comisión Europea, Charlina Vitcheva, na súa visita a Galicia co obxectivo de coñecer a realidade do seu sector marítimo-pesqueiro. Hoxe desenvolveuse un Consello Galego de Pesca Extraordinario onde se analizou a situación do sector e os retos aos que se enfronta na actualidade. Tamén se destacou a importancia da colaboración entre as entidades para seguir mellorando a actividade.
