O mes de xuño pechou en Galicia con 140.932 persoas sen emprego. Trátase da terceira cifra máis baixa de toda a serie histórica de datos, que comeza en 1996. A directora xeral de Formación para o Emprego e Orientación, Zeltia Lado, destacou que o paro descendeu na evolución anual e mensual, e tamén en todos os sectores de actividade nas catro provincias. Con respecto ao mes de maio, Galicia é a terceira comunidade con maior baixada do desemprego en termos absolutos e a quinta en relativos.
