19 noviembre, 2026

A POBRA ACOLLEU O INICIO DA RUTA GASTRONÓMICA LATAS E TAPAS IMPULSADA POLA MANCOMUNIDADE BARBANZA AROUSA

O Concello da Pobra converteuse esta fin de semana na primeira parada da ruta gastronómica “Conserva a Orixe”, promovida pola Mancomunidade Barbanza Arousa. Cinco establecementos do municipio, o restaurante Nojira, café bar La Calle, Café 4,20, restaurante Atlántico e o mesón O Facho foron os primeiros puntos da comarca que presentaron as súas propostas de tapas de conserva. Todas elaboradas por latas de mexillón, ventresca, atún ou xouba das marcas Rianxeira e Escurís, doadas por Jealsa.
A 2,5 euros a tapa, non faltaron propostas enxeñosas na Pobra, onde houbo guiso de garbanzos con mexillóns en escabeche ou montaditos de ventresca. Ademais de dar a coñecer e promover a gastronomía da zona, tamén se busca impulsar os viños da denominación orixe protexida Terras do Barbanza e Iria. A seguinte parada da ruta de latas e tapas “Conserva a Orixe” desenvolverase o vindeiro 3, 4 e 5 de xuño en Boiro.

Related posts

A POLICÍA LOCAL DA POBRA E A GARDA CIVIL LOCALIZAN A UNHA PERSOA CUNHA REQUISITORIA XUDICIAL

CloudyX

AS DEGUSTACIÓNS E A DIVULGACIÓN GASTRONÓMICA PUXERON O BROCHE DE OURO ÁS XORNADAS MICOLÓXICAS DA POBRA

CloudyX

A MICOLOXÍA PROTAGONIZOU A FIN DE SEMANA NA POBRA

CloudyX