O conselleiro de Cultura, Educación e Universidade, Román Rodríguez presentou hoxe a folla de ruta para o desenvolvemento do proceso de estabilización docente que se inicia este ano en Galicia e que está previsto rematar ao longo do ano 2023. Un proceso que se suma ás oposicións que xa están en marcha, con 2.628 prazas, e cuxas probas se realizarán a partir do 18 de xuño. Rodríguez apuntou que en total se acadarán case 4.000 prazas convocadas en dous anos.
