A conselleira de Medio Ambiente, Territorio e Vivenda, Ángeles Vázquez, participou en Vigo nos encontros informativos #ConstruíndoFogar, onde adiantou que a Xunta destinará este ano preto de 4 millóns de euros nunha nova convocatoria de axudas para mellorar a accesibilidade en vivendas e edificios de uso residencial. A través deste programa darase continuidade ás axudas que nos últimos tres anos permitiron intervir sobre máis de 11.000 vivendas en Galicia.
