O titular do Goberno galego, Alberto Núñez Feijóo, reiterou hoxe a condena á agresión inxustificada de Rusia a Ucraína e mostrou o apoio ao pobo ucraíno. “Galicia non pode ser allea a esta situación, unha das máis graves vividas en Europa desde a segunda guerra mundial”, abundou.
Fíxoo con motivo da aprobación dunha Declaración Institucional no Consello da Xunta, na que tamén se reafirmou o compromiso cunha política exterior da UE e a Alianza Atlántica en defensa da paz e da estabilidade e o apoio ao Goberno de España dentro dos principios de unidade e Acción Exterior.
