Febreiro pechou en Galicia cunha cifra de desemprego que continúa a niveis precovid-19, 154.509, sendo, ademais, a máis baixa de toda a serie histórica (1996) nun mes de febreiro. A comunidade galega creou emprego, xa que aumentou a afiliación e a contratación indefinida, tanto na evolución anual como mensual. A directora xeral de Formación e Colocación, Zeltia Lado, destacou que, con respecto ao inicio da pandemia (febreiro de 2020), o número de desempregados reduciuse nun 7,05%, unha baixada maior que a producida no Estado (-4,14%).
