O titular do Goberno galego, Alberto Núñez Feijóo, anunciou hoxe, na rolda de prensa do Consello, a aprobación da oferta de emprego público docente para este 2022, unha convocatoria que se suma á de 2021 e que supón que este ano se oferten un total de 2.628 prazas.
Despois de destacar que a as probas destas dúas ofertas, que se condensarán nunha única convocatoria realizaranse a partir de 18 de xuño, Feijóo destacou que ante a intención do Ministerio de modificar o sistema de oposicións, Galicia decidiu adiantar a aprobación desta OPE para dar tranquilidade e certezas aos opositores que levan meses preparando os exames conforme ás regras habituais.
