A DXT INICIA UNHA CAMPAÑA ESPECIAL DE VIXILANCIA DO TRANSPORTE ESCOLAR NAS ESTRADAS DE GALICIA.

A Delegación do Goberno en Galicia informa do inicio dunha campaña especial de control do transporte escolar. Esta campaña de vixilancia comezou hoxe e extenderase ata o próximo venres, día 21. Durante estas xornadas, e baixo a coordinación da Dirección Xeral de Tráfico (DXT), os axentes da Agrupación de Tráfico da Garda Civil e as policías locais que se sumen comprobarán que tanto autobuses como condutores cumpran coa normativa establecida na materia, que inclúe, entre outras obrigacións, a necesidade de que os menores vaian acompañados por unha persoa debidamente cualificada nos desprazamentos.