A GARDA CIVIL RESPONDE AOS NUMEROSOS ROUBOS COMETIDOS EN LOCAIS HOSTALEIROS DA POBRA CON DOUS DETIDOS

Nos últimos meses notificáronse varios roubos en locais hostaleiros da Pobra. Ante esta onda de roubos, a Garda Civil actuou detendo a dous varóns como presuntos autores de varios delitos de roibo, roubo con violencia e receptación de efectos nos locais do municipio. Os axentes do instituto armado iniciaron a investigación para identificar aos autores e recuperar todo o material subtraído. Como froito das pescudas, os axentes identificaron a dous varóns veciños da localidade coñecidos por feitos delitivos da mesma índole. Procederon á súa detención acusados de cinco delitos de roubo con forza e dúas en grao de tentativa. Os detidos foron postos a disposición do Xulgado de Instrución de Ribeira e decretouse o ingreso en prisión dun e a liberdade con cargos para o outro.