OS ALFOMBRISTAS DE GALICIA, CON REPRESENTACIÓN RIANXEIRA, PARTICIPARON NUN CONGRESO CELEBRADO EN MALTA. ESTE É O PRIMEIRO EVENTO INTERNACIONAL AO QUE ACODEN TRAS A PANDEMIA DA COVID19

A normalidade entra pouco a pouco na vida cotián e nos eventos deportivos ou culturais. Tamén regresou aos eventos internacionais, neste caso de alfombrismo. Logo de 18 meses recuperáronse os actos internacionais neste eido. Dentro do marco da Coordinadora Internacional de Entidades de Alfombristas de Arte Efémero xuntáronse tres delegacións nun congreso artístico que se celebrou en Malta. A asociación maltesa EspresionArti Gharb invitou á Federación de Asociacións de Alfombristas de Galicia e a dúas máis de Italia para volver a unha relativa normalidade.