O BNG DE RIBEIRA RECLAMA UNHA MELLORA DO TRANSPORTE PÚBLICO. OS NACIONALISTAS COMEZAN UNHA RECOLLIDA DE SINATURAS PARA POÑER SOLUCIÓN AO PROBLEMA

O Bloque Nacionalista Galego vén de manifestar seu malestar co servizo do transporte público. Dende a sede nacionalista cren que o Plan de Transporte de Viaxeiros por estrada promovido pola Xunta co fin de mellorar o servizo, fixo o efecto contrario, sobre todo na comarca do Barbanza, onde afirman que se están a suceder diversos problemas, como son segundo os bloquistas, os autobuses escolares ateigados e insuficieintes, atrasos nos autobuses en traxectos como Ribeira-Noia e a falta de información e accesibilidade aos horarios.