Onte celebrouse no Concello de Boiro o pleno extraordinario da corporación onde se trataron 15 puntos. O primeiro en ser tratado e aprobado foi a conta xeral do exercicio 2020 con 8 votos a favor e nove abstencións. Tamén saíu adiante a proposta do Goberno local que abordaba o regulamento do Viveiro de Empresas e a zona Coworking Lab Barbanza. O PSOE, Boiro Novo, IC Boiro e Ciudadanos votaron a favor, mentres que PP e BNG abstivéronse. O punto que creou máis división foi a modificación do título X das bases de execución do orzamento prorrogado do 2019 e modificación de créditos extraordinarios fiananciado polo remanente para dotar a entidades, asociacións e clubs deportivos de axudas. O importe ascendería a 326.400 euros.