Voltaba o fútbol á Preferente Galicia, e o Barbanza desta vez verase representado polo Puebla e polo CD Boiro. Na xornada do domingo pola mañá, Ponte dos Brozos acollía o encontro entre o Atlético Arteixo e o Puebla FC que se saldaría cunha goleada por 4 goles a 0 para os locais, nun partido no que o palmeirán Jorge Viturro foi expulsado por doble cartón amarelo. Un penalti no minuto 6, moi protestado polos da Alta supuxo o 1-0, un pau que fixo que os de Jesús Mella comezaran a cometer erros e ao chegar ao descanso víronse tres goles abaixo e cun xogador menos. Xa no segundo tempo chegaría o definitivo 4-0 que deixou ao Puebla sen opción no seu debut ligueiro contra un rival dos candidatos ao ascenso.