A POBRA ACOLLE A PRESENTACIÓN DO CADERNO “BARBANCESES EN MAUTHAUSEN”, QUE RECOLLE A VIDA DE CATORCE VECIÑOS QUE ESTIVERON NO CAMPO DE CONCENTRACIÓN

O caderno n.°7 da colección Episodios Republicanos Barbanzáns, titulado Barbanceses en Mauthausen, presentouse no Auditorio do Museo Valle-Inclán ante un nutrido número de persoas asistentes, entre os que se atopaban familiares dalgúns dos barbanceses que estiveron no campo de concentración de Mauthausen. A presidenta da Comisión pola Recuperación da Memoria Histórica da Barbanza, Celia García, fixo fincapé na importancia deste tipo de iniciativas coas que se pretende, segundo indicou, «achegarnos esa memoria soterrada» ao tempo que «sexa un bálsamo para o sufrimento e para a dor dos familiares.»