Boiro e Porto do Son dán un pequeno paso atrás na evolución dos casos. Ambos concellos rexistraron máis positivos que no día de onte, mentres que no resto da comarca os datos seguen a reducirse. O que tamén aumentará serán as persoas vacinadas a partir do luns 23 de agosto. O conselleiro de Sanidade confirmou que dende ese día incorporaranse á vacinación os rapaces que teñan 12 e 13 anos.
