Feijóo refírese ao novo albergue da Gudiña como exemplo do compromiso de ofrecer aos peregrinos a mellor Galicia neste Xacobeo 21-22 O responsable do Goberno galego, Alberto Núñez Feijóo, referiuse hoxe ao novo albergue da Gudiña, a Casa da Viúva, como exemplo do compromiso de ofrecer aos peregrinos a mellor Galicia neste Xacobeo 21-22. Durante unha visita ás novas instalacións, Feijóo subliñou que o edificio senlleiro recuperado conta con 44 prazas, cun cuarto adaptado con aseo propio, aparcadoiro de bicicletas, un espazo dedicado a exposicións e información sobre o Camiño, e cunha sala de estar con comedor, cociña e área de descanso.