Galicia apoia as instalacións de transformación de produtos do mar que promoven a eficiencia enerxética

A conselleira do Mar, Rosa Quintana, visitou hoxe as obras da fábrica de transformación e conservación de especies procedentes da pesca que a empresa Frigonor Coldstore está a construír no polígono da Tomada, na Pobra do Caramiñal. A titular de Mar destacou a necesidade de contar con instalacións que, coma esta, busquen o aforro enerxético e que conten con procesos máis eficientes e responsables na protección do medio ambiente. O xerente de Frigonor, José María Rodríguez, confía en que o proxecto esté listo en dous meses.