Feijóo insta ao Goberno central a acometer a reforma da estación de tren de Ourense para completar a entrada do AVE en Galicia

O responsable do Goberno galego, Alberto Núñez Feijóo, destacou hoxe a achega da Xunta á intermodal de Ourense e instou ao Goberno central a acometer a reforma da estación de tren para completar a que será porta de entrada do AVE a Galicia. Cun investimento da Xunta de nove millóns de euros, Feijóo subliñou que a Administración autonómica pon fin á primeira fase da intermodal de Ourense, composta pola terminal de autobuses, a praza e o aparcadoiro con 300 prazas.