O Auditorio Museo Valle-Inclán acolleu a presentación do libro “A mensaxe entre as sombras. Obra poética de Isaac Díaz Pardo”, unha edición de Esperanza Mariño. Ao acto tamén acudiron o vogal de Barbantia, Xesús Laíño, e o alcalde da Pobra, Xosé Lois Piñeiro. A editora non quixo afondar moito no contido da obra para non desgranala e manter así o interese dos lectores, pero si encomiou a figura de Isaac Díaz pardo.
Xesús Laíño aproveitou a súa presenza no acto para recordar a importancia da figura de Isaac Díaz Pardo en moitos ámbitos e a súa influencia. Laíño celebrou que o intelectual galeguista vaia ocupando así máis espazo na cultura galega xa que ademais de pintor, ceramista ou diseñador escribiu varios libros e artigos.
Este libro recolle os textos poéticos de Isaac Díaz Pardo publicados ao longo de máis de medio século, concretamente entre 1955 e 2007.123
