A conselleira do Mar, Rosa Quintana, participou no Consello de Ministros de Pesca da Unión Europea no que se analizou un posicionamento do Consello Europeo que introduce propostas de cambios no proxecto de regulamento europeo de control da pesca. A titular de Mar salientou que as modificacións recollidas no texto son insuficientes, a proposta apenas supón avances e melloras reais no seu impacto sobre a baixura e o marisqueo.
