O alcalde de Ribeira Manuel Ruiz Rivas compareceu este mediodía ante os medios para aclarar cal é a situación do futuro auditorio de Ribeira. Moitos son os comentarios que se extenden entre a veciñanza ante o incremento do custe de este edificio . Porén o alcalde quixo deixar ben claro que o custe final do novo auditorio, un edificio de vangarda para unha Ribeira do século XXI deseñada polo equipo e arquitectos formado por Bernat Pons Vidal, Anna Gorrochategui Matas e Antoni Pons Cañellas, que gañaron o concurso de ideas convocado ao efecto co anteproxecto titulado “Choiva, pedra e cristal”, non vai supoñer un euro mais aos veciños e veciñas, senón menos do que nun principio se agardaba, ao ter logrado achegas de outras administracións, e acordos con iniciativas públicas e privadas.