Os centros escolares prepáranse estes días para a chegada do alumnado a partir do próximo xoves, día no que comezarán en Galicia as clases, de xeito gradual por mor da pandemia da covid-19 nos ciclos de infantil, primaria e educación especial para 194.221 nenas e nenos, o que supón un 1,3 % menos ca no curso 2019/20, segundo os datos provisionais recompilados polos servizos estatísticos da Consellería de Educación, Universidade e Formación Profesional.

