A antiga fábrica de Curbera e actual sede provisional do Club de Remo de Cabo de Cruz acolleu esta mañá a presentación da VI Bandeira de Traíñas Marina Cabo de Cruz – Concello de Boiro e a I Bandeira Galega de Traíñas Feminina Rianxeira. Á presentación asistiron o concelleiro de Deportes, Marcos Fajardo, o presidente do Club de Remo Cabo de Cruz, Daniel Vázquez, o presidente do Náutico de Boiro – Marina Cabo de Cruz, e a directora de relacións institucionais de Jealsa, Marga Hermo.