Preto de 200 profesionais do marisqueo a pé e cinco embarcacións participarán na recollida activa de lixo mariño en Galicia

A Xunta seleccionou seis proxectos colectivos para a protección e recuperación da biodiversidade e dos ecosistemas mariños mediante a recollida de residuos no mar ao abeiro da convocatoria das achegas que se publicou por primeira vez este ano para este tipo de iniciativas. Unha das actuacións apoiadas no marco destes proxectos é a recollida activa de lixo mariño en Galicia que será realizada por preto de 200 profesionais do marisqueo a pé e cinco embarcacións.