O derradeiro pleno provincial de 2015, que terá lugar o vindeiro mércores, 30 de decembro, dará luz verde a investimentos de mellora nas estradas provinciais por importe de máis de 15 millóns de euros. Entre eles destaca a aprobación anticipada da primeira fase do Plan de Conservación de Estradas 2016, cun orzamento de 11.271.655 euros.
Será a primeira vez que a Deputación da Coruña aprobe o Plan provincial de Conservación de Estradas antes de que comece o ano no que entra en vigor, o que permitirá axilizar a contratación e a execución das obras incluidas no mesmo e realizalas durante a época de bó tempo, de xeito que a maior parte das mesmas estean rematadas antes da época estival.
O programa contempla a execución de distintos traballos de de mellora do firme, rebacheo e desbroce e limpeza de cunetas nos 2.119 quilómetros de estradas cos que conta a rede viaria provincial, que se distribúen por grupos do seguinte xeito:
GRUPO 23.- MAZARICOS, MUROS E OUTES 344.127,98
GRUPO 24.- BOIRO, LOUSAME E NOIA 308.595,41
GRUPO 25.- BRION, DODRO, PADRON E ROIS 388.300,39
GRUPO 27.- BOIRO E RIANXO 229.596,47
GRUPO 28.- POBRA, PORTO DO SON E RIBEIRA 498.644,65
GRUPO 36.- DP 3404.- SERRA DE OUTES A DUMBRIA 350.353,93
