A Deputación da Coruña publica hoxe no Boletín Oficial da Provincia (BOP) as bases reguladoras do programa de financiamento dos servizos sociais comunitarios para o ano 2016, que estará dotado con 4.037.275,26 euros, e do que se beneficirán os 83 concellos da provincia con menos de 20.000 habitantes.
Segundo recollen as bases do programa, o obxecto do mesmo é dar asistencia económica ás entidades locais na execución das súas competencias en materia de servizos sociais, dando preferencia aos servizos básicos comunitarios establecidos na Lei 13/2008 do 3 de setembro.
A Deputación subvencionará os gastos dos profesionais dos servizos sociais comunitarios municipais distintos do perfil profesional do traballador social, entre os que se inclúen persoal técnico de grao medio, auxiliar administrativo e persoal auxiliar do servizo de axuda no fogar.
As contías máximas previstas para os concellos neste programa son:
Boiro: 65.023,07 €; Carnota: 31.572,68 €; Dodro: 51.502,50 €; Lousame: 51.502,50 €; Muros: 52.994,50 €; Noia: 68.072,22 €; Outes: 39.078,97 €; A Pobra do Caramiñal 56.043,65 €; Porto do Son: 62.057,94 €; Rianxo: 65.023,07 €;
O prazo de presentación dos concellos para adherirse a este plan remata o 18 de decembro ás 14:00 horas. Todas as fases do procedemento (solicitude, concesión e xustificación) realizaranse por vía telemática a través da web da Deputación da Coruña.
https://www.youtube.com/watch?v=tzYZxmTisfw
