Varios centos de rapaces e rapazas dos IES Campo de San Alberto e Virxe do Mar concentráronse diante da casa consistorial de Noia para reclamar acción contra o cambio climático e respecto para o noso medio ambiente. Deste xeito, a mocidade noiesa súmase por primeira vez á iniciativa “Fridays for future”, un movemento internacional estudantil polo clima nacido no ano 2018 e que retoma as mobilizacións durante esta semana, coa vista posta na folga convocada por varias entidades para o vindeiro venres 27 de setembro en toda España.

