A conselleira de Educación, Universidade e Formación Profesional, Carmen Pomar, presidiu hoxe a entrega dos Premios a Proxectos de Formación Permanente do Profesorado 2018 a través dos que se recoñece a calidade dos plans de formación deseñados polos propios colexios e institutos e desenvolvidos no curso 2017/18. O CEIP Plurilingüe de Palmeira acadou un destes galardóns polo proxecto CEIP Palmeira-Enfoque TIC.
