O Concello de Noia abrirá do 1 ao 15 de xuño o prazo de pago da taxa esixida para participar na Feira Medieval de Noia, que terá lugar do 12 ao 14 de xullo. Tal e como recolle a Ordenanza Fiscal número 39 (BOP nº 102 do 30/05/2012) as taxas oscilan de acordo coa lonxitude do posto como coa especialidade da venda.
Así, os postos relacionados con panadería, doces e embutidos ou as tabernas deberán aboar 150 euros por metro lineal de fronte. Pola súa banda, os postos de froitos secos, lambonadas, infusións, plantas medicinais e aceites teñen unha taxa de 80 euros por metro lineal de fronte. O máis baixo, 55 euros por metro lineal, será para os postos de venda de artesanía.

