O pasado 29 de outubro a Plataforma en Defensa da Sanidade Publica do Barbanza presentou no Concello de Ribeira unha moción para debater no pleno e conseguir o respaldo dos grupos nas súas reivindicacións realizadas para garantir unha atención sanitaria de calidade. O seguinte paso deuse na Pobra, co rexistro da súa iniciativa para tratar tamén na sesión plenaria. E esta mañá membros da plataforma estiveron en Boiro para presentar a súa proposta ante a corporación municipal.
