O pleno provincial deu o visto bo por unanimidade a este novo incremento económico que supón un aumento do 29% respecto ao ano anterior e multiplica por sete os fondos que tiña o antigo Plan de Obras e Servizos.
A repartición, efectuada baixo criterios obxectivos entre os 93 municipios da provincia, permite aos concellos destinar as contías tanto a novas obras coma ao financiamento de gastos correntes e nóminas de servizos básicos.
