A investigación, denominada Operación FALCONE, desenvolvida durante máis de cinco meses polo Equipo de Policía Xudicial da Garda Civil de Noia, arrancou tras detectarse un aumento da criminalidade. As pescudas permitiron descubrir que os tres establecementos investigados, que aparentaban operar de xeito independente, estaban interconectados e coordinados para distribuír droga de xeito continuado en Noia e concellos limítrofes.
