A praza do Tapal foi o lugar escollido polo BNG da comarca Muros-Noia para anunciar aos cabezas de lista da formación para as vindeiras eleccións municipais, candidatos que estiveron arroupados pola portavoz nacional do BNG, Ana Pontón. Anxo Moledo por Lousame, Ricardo Suárez por Noia, Balbino González por Porto do Son, Anxo Núñez por Outes e María Lago por Muros son as apostas dos nacionalistas, que repiten como aspirantes logo de presentarse tamén o pasado 2023.
